Ndodheni
Indeksonline / Shëndetësi
11:04 / E diel, 10 Mars 2013
2 Komente
Biznes me stendat në zemër

Ekspertë mjekësorë theksojnë se pacientet po manipulohen me vendosjen se stendave në zemër. Sipas Dr. Tefik Bekteshit, një grup i caktuar i mjekëve për përfitime personale po vendosin stenda te pacientet pa ekzaminimet e duhura mjekësore. Ndërsa, zyrtarë të Ministrisë së Shëndetësisë, nuk kanë pranuar të deklarohen lidhur me këtë çështje.

Ekspertë mjekësorë shprehen të brengosur lidhur më rastet e shumta të pacienteve të cilët po referohen në klinika private lidhur me vendosjen e stendave në zemër.

Dr Tefik Bekteshi, tha se ka shumë pacientë të cilët janë bërë stendizim, e që nuk kanë pasur asnjë element të sëmundjes koronare.

“Mjerisht shumë shpesh ka ndodhë që pa e pasur asnjë element minimal të sëmundjes koronare, nuk mund të gjeni, e është bërë presion në pacientin dhe në familjarë që të shkohet medoemos me stenografi, e çka është diçka absurde pa e bërë asnjë ekzaminim, e pa e vërtetuar, pa pasur diçka në dorën objektive. Besoj se mbrapa prapavijës së kësaj është një rrjet i organizuar, mjerisht për të nxjerr sa më shumë para për veti, duke e dëmtuar popullatën”, theksoi Bekteshi për Radio Kosovën.

Drejtori ekzekutiv i QKUK-së, Nijazi Gashi nuk e pohon e as mohon një gjë të tillë.

“Është në dorën e kardiologut kujdestar se a duhet të behet një stendë apo jo. Përkundër kësaj, jemi të angazhuar me komision dhe me drejtorin e kardiologjisë që kjo të mos ndodh dhe kjo të denoncohet”, tha Gashi.

Ndërsa Drejtori i Kardiologjisë, Bedri Zahiti, thotë se ka dyshime se pacientet po manipulohen edhe atë të forma të ndryshme.

“Ka të dhëna, ka të thëna, a janë të vërteta a nuk janë unë nuk e di. Por me siguri ka, sepse te shkallët dilet dhe merren pacientet, i frikësojnë i kushtëzojnë që me shkua nëpër spitalet private. Unë ju kamë thanë që në komision nuk do ta nënshkruaj askënd i cili nuk është dërgua drejtë për drejti prej njësisë koronare”, theksoi Zahiti.

Sipas tij, kjo dukuri duhet luftuar nga instancat me të larta. Ai ka thënë se ka vendosur që këtë situatë ta vëzhgoj për së afërmi, sepse ka kardiolog të cilët në emër të humanitetit po blejnë numrin e kujdestarive.

“Kamë arrit që prej këtij muaji nuk ka më as blerje të kujdestarive e as shitje, e këtë po e them në thonjëza sepse kamë dëgjua që po blihen dhe po shiten kujdestarit. Unë kamë ra në konflikt me disa kardiolog të cilët kanë bërë deri në 17 kujdestari brenda 1 muaji”, theksoi Zahiti.

Kardiologu Tefik Bekteshi, thotë se kjo situatë është abuzim jo vetëm me pacientet por edhe profesionin e mjekut. “Definitivisht kërkojnë ndërhyrje të qeverisë, sepse e kamë përshtypjen që Ministria e Shëndetësisë, nuk është në gjendje të ndërhyj në këtë sferë, nuk ka fuqi ose ndoshta i ka edhe interesat e veta të cilat e lanë në këtë aspekt”, tha Bekteshi.

Lidhur me temën në fjalë, zyrtarë të Ministrisë së Shëndetësisë, nuk kanë pranuar të deklarohen./Indeksonline/
 


Kendi i komenteve
  • gjakova 10.03.2013 / 13:14
    mjeku qe te udhezon per stenda e ka tarifen e vet.200 eki po masanej ja nis biznesi tjeter aty mrena, a po don stend te 500 apo te 700.qe i bjen mu kon e njejta por me ta mate pulsin qe pagun te shtrejten masanej te dalin dy ose tri stenda me ti vnu. vetedisoju popull,kue te shkoni te kasapi .
  • 1 10.03.2013 / 11:51
    1
Emri:
Komenti:

 
Sqarim:
Ndalohen fyerjet dhe përdorimi i gjuhës ofenduese. Indeksonline mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit Indeksonline.

Ju faleminderit për mirëkuptimin!
  • Të fundit
  • Më të lexuara
  • Më të komentuara
Portali Indeksonline u themelua nga një grup gazetarësh kosovarë në vitin 2010. Përball sfidave të gazetarisë bashkëkohore, të motivuar nga nevoja për lajme të shpejta dhe origjinale, në Kosovë, ndër shqiptarë dhe për shqiptarët - Indeksonline nuk ishte veçse një kërkesë e kohës.

Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të Portalit Indeksonline, në përputhje me kushtet e përdorimit.

Të gjitha të drejtat janë të rezervuara.

© 2010-2014 Portali Indeksonline.