Ndodheni
Indeksonline / Shëndetësi
14:04 / E mërkurë, 05 Shtator 2012
1 Koment
Kërkesat në rritje për operacione plastike

Kërkesat për operacione plastike, edhe në Kosovë janë duke u rritur vazhdimisht. Mirëpo personat që dëshirojnë të bëjnë ndërhyrje estetike, nuk do të mund ta bëjnë këtë në Qendrën Klinike Universitare të Kosovës.

Kirurgjia plastike, e cila funksionon në kuadër të QKUK-së, nuk merret me operacione plastike, meqë ajo merret me trauma dhe lëndime, sidomos në repartin e djegieve.

Kjo klinikë është qendër referente për gjithë Kosovën, andaj mundësitë për shërbime estetike janë të vogla.

Violeta Zatriqi, kirurge në QKUK, theksoi për Radion Evropa e Lirë se kërkesat për operacione plastike janë duke u rritur dita ditës, por e vetmja derë për këto intervenime mbeten ordinancat private.

“Operacionet estetike nuk kanë mundësi të realizohen në QKUK, për shkak të mungesës së hapësirës. Aty kemi vetëm 4 dhoma dhe numri i patologjive që trajtohen aty është tejet i madh. Ne kemi startuar të punojmë në klinikë private menjëherë pas luftës, pasi që këto operacione nuk mund të realizohen në klinika publike”, bën të ditur Zatriqi.

Ndërkaq, Lirim Ukimeraj, otorinolaringolog, thotë për Radion Evropa e Lirë se numri i personave që kërkojnë operacione plastike për veshët dhe hundën është çdo ditë në rritje.

“Unë merrem me operacione estetike të hundës dhe veshëve. Për 12 vjetët e fundit mund të them se ka tendenca të rritjes”, ka theksuar Ukimeraj.

Ukimeraj shton se sa i përket çmimit, për të intervenuar estetikisht, një operacion i hundës kushton nga 850 deri në 1 mijë euro, i cili krahasuar me operacionet që bëhen në rajon, del të jetë më i liri.

“Sa i përket çmimit, ne jemi më të lirët në rajon. Nuk shkojnë në proporcion me çmimet e rajonit. Për vendin tonë mund të konsiderohen të shtrenjta, por në raport me vendet tjera, dallimi është 10 fish më i madh. Nëse te ne kushton 800 euro një operacion i hundës, jashtë vendit kushton 8 mijë euro”, shprehet Ukimeraj.

Në anën tjetër doktoresha Zatriqi, thotë se edhe fryrja e buzëve, ajo e mollëzave të fytyrës, rritja e gjoksit, heqja e dhjamit, po preferohen shumë nga kosovarët viteve të fundit.

“Çmimet janë të kapshme për standardin kosovar. Janë çmime normale, duke i pasur parasysh që janë operacione estetike. Çmimet sillen nga 500 deri në 1 mijë e 500 euro”.

Sidoqoftë, ata të cilët dëshirojnë t’i nënshtrohen një operacioni plastik, duhet të jenë mbi 18 vjeçar, me përjashtim të operacionit për palosjen e veshëve, i cili mund të aplikohet nga mosha 6-vjeçare. Personat të cilët vuajnë nga sëmundjet kronike nuk mund t’u nënshtrohen operacioneve të tilla./Indeksonline/
 


Kendi i komenteve
  • shqipron sopa 09.09.2012 / 17:53
    ku mund te derejtohem per kirurgji plastike ,heqjen e shum shenjave te nmbetura ne fytyr nga aksidenti i komunikacionit,ju lutemi per nje numer telefoni per kontakt
Emri:
Komenti:

 
Sqarim:
Ndalohen fyerjet dhe përdorimi i gjuhës ofenduese. Indeksonline mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit Indeksonline.

Ju faleminderit për mirëkuptimin!
  • Të fundit
  • Më të lexuara
  • Më të komentuara
Portali Indeksonline u themelua nga një grup gazetarësh kosovarë në vitin 2010. Përball sfidave të gazetarisë bashkëkohore, të motivuar nga nevoja për lajme të shpejta dhe origjinale, në Kosovë, ndër shqiptarë dhe për shqiptarët - Indeksonline nuk ishte veçse një kërkesë e kohës.

Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të Portalit Indeksonline, në përputhje me kushtet e përdorimit.

Të gjitha të drejtat janë të rezervuara.

© 2010-2014 Portali Indeksonline.