Ministri i Mjedisit dhe Planifikimit Hapësinor të Kosovës, Dardan Gashi, sot mori pjesë në hapjen zyrtare të Samitit të gjashtë Botëror për Energjinë dhe Samitin e parë Ndërkombëtar të Ujërave.Ky samit po mbahet nën patronazhin e Princit të Abu Dhabit, Sheikh Mohammed bin Sayed al Nayan.

Ministri Gashi paraqiti përkushtimin e Ministrisë që ai drejton dhe përgjithësisht qëndrimin e Qeverisë së Republikës së Kosovës në rritjen e kapaciteteve energjetike nga resurset ujore dhe përdorimin më të gjerë të burimeve alternative në Kosovë, duke marrë shembull konkret hidrocentralin e ndërtuar para pak kohësh në Belajë të Deçanit.

Si një vend me mundësi të mëdha dhe unike të zhvillimit të kësaj industrie, ministri Gashi bëri ftesë për të gjitha kompanitë botërore dhe kontraktorët e pranishëm që të shprehin interesimin e tyre për investime në vendin tonë.

Edhe gjatë ditëve të ardhshme Ministri Gashi do të marrë pjesë në panelet ministrore me tema të ndryshme dheinteraktive ku kryesisht do të diskutohen çështjet e qeverisjes lokale dhe qendrore të burimeve ujore, përdorimi i këtyre burimeve për zhvillim të qëndrueshëm dhe reduktimi, ripërdorimi dhe riciklimi i ujërave, thuhet në njoftim./Indeksonline/