Ndodheni
Indeksonline / Ekonomi
09:52 / E mërkurë, 10 Tetor 2012
0 Komente
NVM-të në zor!

Tash sa vjet po bëhet përpjekje formale të mbështetet zhvillimi i ndërmarrjeve të vogla dhe të mesme, të promovuara si gjenerueset kryesore të zhvillimit ekonomik, të cilat ofrojnë mundësinë më të lehtë për të hapur vende të reja të punës. Qeveria ka nxjerrë strategji, zyrtarisht janë përkrahur edhe parqet e biznesit, por që në fund të ditës ato po dalin të jenë projekte të dështuara.

Në mungesë të një strategjie të qëndrueshme të zhvillimit ekonomik, pjesë e së cilës duhet të ishte edhe mbështetja e NVM-ve, deri më tash ky sektor vetëm sa është përballur me sfida të tmerrshme duke i stagnuar në vazhdimësi. Korrupsion, trajtimi i pabarabartë në treg, ekonomia informale, shkelja me çmimet e ulëta nga importuesit e mallrave të dyshimta, janë duke i dëmtuar në vazhdimësi NVM-të.

Zyrtarët qeveritarë zyrtarisht janë thirrur në krijimin e disa mundësive financiare por që gjendja reale e NVM-ve në treg tregon se ato ballafaqohen me vështirësi të mbijetesës. Ndërkohë që miliona euro të investuara në parqet e biznesit siç është ai i Drenasit i promovuar me të madhe ka mbetur “zonë e vdekur”.

Ministri i Financave, Bedri Hamza, ditë më parë për gazetën “Zeri” ka thënë se kanë punuar në krijimin e mundësive për hapjen e tregut bankar, duke eliminuar disa pengesa në këtë fushë dhe që do të bëjnë përpjekje edhe në të ardhmen për zvogëlimin e kamatave të kredive.

Ai ka pranuar se normat e interesit në kredi në Kosovë janë të larta dhe, sipas tij, politikëbërësit, Banka Qendrore e Kosovës duhet të angazhohen që kostoja e financimit të jetë e pranueshme për bizneset dhe qytetarët. Barrierat në qasjen e kredive me norma të volitshme krijojnë në start një ngecje në zhvillim të biznesit.

Ministria e Tregtisë dhe Industrisë në janar të këtij viti ka futur në fuqi Strategjinë për Zhvillimin e Ndërmarrje të Vogla dhe të Mesme 2012-2016 ka për qëllim përmirësimin e mjedisit të biznesit. Duke u bazuar në të dhënat statistikore të Qeverisë rreth 99,9 % e bizneseve janë ndërmarrje Mikro, të Vogla dhe të Mesme, por që deri më tash nuk shihet ndonjë efekt në këtë drejtim.

Qeveria ka premtuar Përforcim të Kornizës Legjislative dhe Rregullative për Krijimin dhe Zhvillimin e NVM-ve, 12 ligje për lehtësimin e ambientit për të bërë biznes.

Por zyrtarët ekonomikë edhe ata të Odës Ekonomike të Kosovës, si shpëtim për NVM-të shohin qasjen në kreditë për biznes nëpër bankat komerciale.

Berat Rukiqi, sekretar i përgjithshëm i Odës Ekonomike të Kosovës, ditë më parë ka thënë se bankat komerciale kreditë për biznesin duhet t’i shohin si investime, pasi që, sipas tij, të gjitha bizneset mund të jenë klientë potencialë të tyre.

Sipas tij, institucionet e Kosovës duhet të krijojnë skema përkrahëse për Ndërmarrjet e Vogla dhe të Mesme (NVM), jo vetëm për sektorin e bujqësisë, mirëpo edhe për sektorët tjerë, me ç’rast do të rritej edhe numri i të punësuarve në vend.

“Ky do të ishte një potencial i mirë për zhvillimin e biznesit në vend”, thotë Rukiqi. Ai shton se fakti që Kosova posedon numrin më të vogël në rajon të kredive për sektorin e biznesit është se këto të fundit shihen nga bankat si klientë me rrezik më të lartë, i cili përceptim, sipas tij, nuk është i drejtë dhe është shumë larg realitetit./Indeksonline/  


Kendi i komenteve
Emri:
Komenti:

 
Sqarim:
Ndalohen fyerjet dhe përdorimi i gjuhës ofenduese. Indeksonline mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit Indeksonline.

Ju faleminderit për mirëkuptimin!

  • Të fundit
  • Më të lexuara
  • Më të komentuara
Portali Indeksonline u themelua nga një grup gazetarësh kosovarë në vitin 2010. Përball sfidave të gazetarisë bashkëkohore, të motivuar nga nevoja për lajme të shpejta dhe origjinale, në Kosovë, ndër shqiptarë dhe për shqiptarët - Indeksonline nuk ishte veçse një kërkesë e kohës.

Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të Portalit Indeksonline, në përputhje me kushtet e përdorimit.

Të gjitha të drejtat janë të rezervuara.

© 2010-2014 Portali Indeksonline.