Një spital kinez “Wuhan Songziniao" në provincën e Hubei ka studiuar një projekt shumë të veçantë, për të ndihmuar çiftet që kanë vështirësi në mbarsje. Pra, i gjithi është për partnerët që për një arsye, ose për një tjetër, nuk arrijnë të kenë fëmijë.

Bëhet fjalë për një dhomë seksi, që është e pajisur me një shtrat të rrumbullakët me tenda garze, dekoracione të kuqe dhe dritë të butë. Nuk mungojnë edhe vepra erotike dhe as disa "mjete kënaqësie". E gjitha është studiuar për t'u dhënë rehatinë dhe sensualitetin e duhur klientëve. Për më tepër, në rast kërkese, janë në dispozicion edhe film porno dhe artikuj të tjerë pikant.

Sipas drejtuesve të strukrurës, me këtë dhomë mund të krijohet intimiteti i duhur dhe çlodhja e nevojshme. Ndërkohë që janë parashikuar edhe ndërhyrjet e mjekëve të specializuar që do t'u japin instruksionet e duhura atyre që ndihen në siklet. Po sa është çmimi? 880 yuan, ose 108 euro./Indeksonline/