Ndodheni
Indeksonline / Showbiz
13:16 / E enjte, 09 Janar 2014
0 Komente
Identiteti, emrat e vërtetë të njerëzve të famshëm

 Trendi i ndryshimit të emrit për t’iu përshtatur më shumë jetës së një të famshmi është tepër i përhapur në botën e Hollivudit.

Për shumë prej nesh, njerëzit e famshëm kanë emrin e tyre artistik, por në regjistrat e gjendjeve civile ata njihen me tjetër identitet.

Shembujt më tipikë të yjeve që na kanë “mashtruar” me emrat e pavërtetë janë Mila Kunis, Lady Gaga, Vin Diesel dhe shumë e shumë të tjerë.

Mila Kunis: Milena Markovna Kunis

Në moshën shtatëvjeçare, Milena Markovna Kunis dhe familja e saj u zhvendosën nga Ukraina në Los Anxhelos. E ëma e saj, Elvira dhe i ati, Mark, e përfshinë shpejt në leksione aktrimi dhe e lejuan të shkurtonte emrin nga Milena në Mila kur ajo filloi të përfshihej në rolet e para si 'Days of our Lives', '7th Heaven' dhe 'Gia'.

Lady Gaga - Stefani Joanne Angelina Germanotta

Njëzetegjashtëvjeçarja Stefani Joanne Angelina Germanotta u lind dhe u rrit në Nju Jork. Në numrin e muajit tetor të revistës 'Elle', këngëtarja u shpreh se ajo e ndryshoi emrin e saj për shkak se Stefani është emri i një artisteje të torturuar vazhdimisht, ndaj nuk mund ta mbante në publik. Lady Gaga, me performancat e saj të çmendura, ka tërhequr miliona adhurues nga e gjithë bota.

Katy Perry - Kathryn Hudson

Përpara se të ishte këngëtare në krye të listës së muzikanteve më të suksesshme, Perry prodhonte muzikë të krishterë me emrin e saj të vërtetë Kathryn Hudson. Më vonë ajo vendosi që të huazonte mbiemrin e nënës së saj, në mënyrë që të mos ngatërrohej me aktoren Kate Hudson.

Miley Cyrus: Destiny Hope Cyrus

Babai i këngëtares, Billy Ray, i vuri asaj nofkën “Smiley” (e qeshur) si pjesë të karakterit të saj, si një person gazmor. Me kalimin e viteve nofka u shkurtua dhe mbeti vetëm Miley. Në vitin 2008, këngëtarja vendosi ta ndryshojë ligjërisht emrin nga Destiny Hope Cyrus në Miley Cyrus.

Demi Moore - Demetria Gene Guynes

Moore mbajti mbiemrin e ish-bashkëshortit të saj të parë Freddy Moore, pasi këta u ndanë në vitin 1984. Siç mund të kuptohet, Demi është shkurtim i emrit me origjinë greke Demetria. Po ashtu, edhe vajza e aktores ka vendosur ta shkurtojë ligjërisht emrin nga Tallulah në Lula.

Meg Ryan - Margaret Mary Emily Anne Hyra

E lindur në Fairfield të Konektikatit prej prindërve katolikë, Susan Jordan dhe Harry Hyra, Margaret Mary Emily Anne Hyra e ndryshoi emrin e saj në thjesht Meg Ryan, pasi la semestrin e parë të universitetit për të ndjekur ëndrrën e saj të aktrimit.

Vin Diesel - Mark Sinclair Vincent

Ylli i filmit 'Fast and Furious' është shprehur se e ndryshoi emrin ndërkohë që punonte si një rojë sigurie në klabet e Nju Jorkut. Vin është një version i shkurtuar i mbiemrit të aktorit. Diesel është një nofkë që e ka marrë nga miqtë, për shkak se ishte tepër energjik dhe i shpejtë.

Bruno Mars - Peter Gene Hernandez

Mars e ndryshoi emrin e tij me origjinë portorikane për të parandaluar paragjykimet që vinin prej stereotipave. Në atë kohë ai jepte shfaqje solo të muzikës latine dhe spanjolle. Bruno ishte një nofkë që i ati ia kishte vënë kur këngëtari ishte vetëm dy vjeç. Arsyeja ishte se të atit Bruno Mars i kujtonte mundësin e tij të preferuar Bruno Sammartino. Këngëtari është shprehur se natyra e tij e çmendur i përshtatet më së miri mbiemrit dhe prejardhjes prej planetit Mars.

Jodie Foster - Alicia Christian Foster

Vëllai i aktores pretendon se emri i saj ndryshoi nga Alicia në Jodie si rezultat i nofkës së vënë “Jo D”, që sinjifikonte partneren e nënës së tyre Josephina Dominguez.

Whoopi Goldberg - Caryn Elaine Johnson

Aktorja e mrekullueshme e filmave më të shikuar nga e gjithë bota, ishte thjesht Caryn Elaine Johnson derisa filloi të punonte në një teatër në San Diego. Miqtë filluan ta thërrisnin Whoopi, për shkak të një problemi me fryrjen që i shkaktonte gazra. Sa për mbiemrin, ishte mamaja e saj që mendoi se një mbiemër hebre do ta ndihmonte vajzën e vet të përparonte në karrierën artistike në Hollivud.

Fergie - Stacy Ann Ferguson

Emri Stacy Ferguson nuk mund të shkonte me anëtarët e tjerë të grupit Black Eyed Peas, të cilët quhen will.i.am, apl.de.ap dhe Taboo, ndaj këngëtarja vendosi ta ndryshojë emrin e saj gjithashtu. Kështu ajo mendoi se do të ishte më mirë nëse mbante si emër artistik thjesht Fergie. / Top Channel/


Kendi i komenteve
Emri:
Komenti:

 
Sqarim:
Ndalohen fyerjet dhe përdorimi i gjuhës ofenduese. Indeksonline mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit Indeksonline.

Ju faleminderit për mirëkuptimin!
  • Të fundit
  • Më të lexuara
  • Më të komentuara
Portali Indeksonline u themelua nga një grup gazetarësh kosovarë në vitin 2010. Përball sfidave të gazetarisë bashkëkohore, të motivuar nga nevoja për lajme të shpejta dhe origjinale, në Kosovë, ndër shqiptarë dhe për shqiptarët - Indeksonline nuk ishte veçse një kërkesë e kohës.

Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të Portalit Indeksonline, në përputhje me kushtet e përdorimit.

Të gjitha të drejtat janë të rezervuara.

© 2010-2014 Portali Indeksonline.