Ndodheni
Indeksonline / Shëndetësi
10:44 / E premte, 22 Mars 2013
1 Koment
Problemet me menstruacionet tek vajzat adoleshente, pse ndodhin

Adoleshentet që kanë perioda menstruale të çrregullta kanë më shumë gjasa të jenë mbipeshë dhe obezë sesa shoqet e tyre me cikle të rregullta menstruale, sugjeron një studim i ri qe e publikoi Reute

Megjithëse tashmë është përcaktuar një lidhje mes periodave të çrregullta dhe sëmundjeve të zemrës në gratë në moshë, zbulimet e reja sugjerojnë se doktorët janë të aftë t’i identifikojnë më herët rreziqet -- dhe të mund të bëjnë diçka për to.

"Duket se ka një keqkonceptim në mjekësinë e adoleshentëve ... që duhet rreth dy vjet pas periodës së parë menstruale për të rregulluar funksionimin e motorit, e prandaj nuk shqetësohen për perioda të çrregullta të adoleshencës, derisa është shumë vonë",- tha Dr. Charles Glueck, një nga autorët e studimit të kryer nga qendra e Kolesterolit dhe Metabolismit në Cincinnati, SHBA.

"Kjo duket qartë se është e gabuar"

Edhe në adoleshentet më të reja, ciklet shumë të çrregullta menstruale nuk janë normale, tha Glueck për Reuters Health, dhe ato nuk duhen lënë pas dore.
Ai dhe kolegët e tij ndoqën 370 vajza, duke filluar nga prej moshës 14 vjeçare si pjesë e një studimi të gjerë të nisur nga Instituti Kombëtar i Zemrës Mushkërive dhe Gjakut.

Një herë në vit, vajzat pyeteshin për ciklet e tyre menstruale dhe kërkuesit matnin rregullisht nivelet hormoneve të caktuara të seksit, të glukozës, insulinës (të cilët tregojnë dhe rrezikun e diabetit) si dhe presionin e gjakut.

Ata mbanin gjithashtu informacion për gjatësinë, peshën, dhe formën e vajzave.
Autorët i përshkruanin ciklet e çrregullta menstruale si ato që zgjasnin më shumë se 42 ditë – pra kur perioda e tyre niste 42 ditë pas ditës së parë të periodës së tyre të fundit, kriter ky që kishte për qëllim të dallonte 2 për qind të vajzave me çrregullimet minimale të periodave, shpjegonte Glueck.

Mes moshave 14 dhe 19, 269 nga vajzat raportonin perioda të rregullta në vizitat e tyre të përvitshme. 74 prej tyre kishin patur të paktën 1 periudhë të çrregullt, 19 vajza kishin raportuar dy të tilla, dhe tetë thanë se kishin kaluar 42 ditë që prej periodës së tyre të fundit në tre, ose më shumë vizita.

Rezultatet, të cilat u publikuan në revistën mjekësore “Fertility and Sterility”, treguan se vajzat me raportime më të shumta për perioda të çrregullta ishin më të rënda sesa të tjerat e moshës 14 vjeçare, por dhe kishin fituar më shumë peshë dhe centimetra në bel, gjatë kohës së studimit.

Për moshën 14 vjeçare, vajzat me më shumë perioda të çrregullta kishin nivele më të larta të testosteronit – hormoni i seksit që ka të bëjë më shumë me karakteristikat mashkullore.

Deri në moshën 25 vjeçare, ato që nuk kishin raportuar çrregullime në periodat e tyre kishin një indeks të masës trupore prej 26.8 – që konsiderohet pika mbi peshë. Kurse pjesëmarrëset që kishin raportuar çrregullime menstruale në tre ose më shumë vizita kishin një indeks të masës prej 37.8, duke treguar shenja obeziteti. Vajzat që kishin raportuar çrregullime në një ose dy vizita kishin një indeks disi të mesëm.
Raportimet e këtyre çrregullimeve dukej se ishin të lidhura dhe me nivele të larta të sheqerit në gjak dhe të insulinës.
Autorët nuk ishin të sigurtë për atë që po ndodhte me ciklet menstruale të vajzave gjatë pjesës tjetër të vitit, por zbulimet provojnë se periodat e çrregullta janë përgjegjëse për shtimin në peshë dhe për rritjen e glukozës dhe insulinës.

Një nga mundësitë mund të jetë reagimi i vezoreve ndaj ndryshimeve në metabolizëm – siç është rritja e niveleve të insulinës, tha Dr. Alice Chang, një endokrinologe e qendrës mjekësore Southwestern Medical Center. Kjo sugjeron se disa nga rreziqet e lidhura me diabetin vinin përpara problemeve me procesin e ovulimit.

Por ajo që tregohet me siguri nga studimi është se ciklet menstruale mund të jenë një paralajmërim se metabolizmi i trupit nuk po punon siç duhet.

"Këto ndërlidhje që shihen në adoleshencë dhe në moshën e rritur të hershme mund të ndikojnë në zhvillimin e sëmundjeve kardiovaskulare apo të diabetit të tipit II",- tha Glueck.

Periodat e çrregullta mund të jenë një sinjal i sindromë vezores policistike – një çrregullim hormonal që është i lidhur me infertilitetin dhe obezitetin ,- tha Glueck. Po të identifikohet në adoleshencë, kjo sëmundje mund të trajtohet me sukses, prandaj doktorët po u kushtojnë më shumë vëmendje çrregullimeve menstruale.

Chang, e cila nuk merrte pjesë në studimin e ri, ishte dakord se ky është një faktor i rëndësishëm për studimin.
"Kur shikoj gra që diagnostikohen me këtë sëmundje kuptoj se ato kanë pasur simptoma që prej adoleshencës, prandaj duhet të jemi më agresive tek adoleshentet për trajtimin e obezitetit"./Indeksonline/

 


Kendi i komenteve
  • lola 14.06.2013 / 14:10
    mirdita,mua me kane ardhur menstruacionet ne moshen 15 vjecare a perben ndonje problem .
Emri:
Komenti:

 
Sqarim:
Ndalohen fyerjet dhe përdorimi i gjuhës ofenduese. Indeksonline mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit Indeksonline.

Ju faleminderit për mirëkuptimin!
  • Të fundit
  • Më të lexuara
  • Më të komentuara
Portali Indeksonline u themelua nga një grup gazetarësh kosovarë në vitin 2010. Përball sfidave të gazetarisë bashkëkohore, të motivuar nga nevoja për lajme të shpejta dhe origjinale, në Kosovë, ndër shqiptarë dhe për shqiptarët - Indeksonline nuk ishte veçse një kërkesë e kohës.

Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të Portalit Indeksonline, në përputhje me kushtet e përdorimit.

Të gjitha të drejtat janë të rezervuara.

© 2010-2014 Portali Indeksonline.