Ndodheni
Indeksonline / Lajme
14:09 / E diel, 21 Prill 2013
9 Komente
Veriu paralajmëron rezistencë

Serbët e veriut të Kosovës ndihen të zhgënjyer dhe të tradhtuar nga Qeveria e Serbisë, për faktin se nënshkrimi i marrëveshjes me Qeverinë e Kosovëspër veriun e këtij vendi, më 19 prill në Bruksel, nënkupton kapitullimin e Serbisë dhe poshtërimin e serbëve të veriut, vlerësojnë liderët serbë të kësaj pjese të vendit.

Ata paralajmërojnë se do t’i përdorin të gjitha mjetet dhe mënyrat legjitime për të penguar zbatimin e kësaj marrëveshjeje dhe integrimin e veriut në institucionet e Kosovës.

Marko Jakshiq, lider i serbëve të veriut, thotë për Radion Evropa e Lirë, se me arritjen e kësaj marrëveshjeje, autoritetet e Beogradit e kanë shembur Kushtetutën e Serbisë, ndërkohë që autoritetet e Prishtinës e kanë ruajtur Kushtetutën e Republikës së Kosovës.

Sipas tij, rezistenca e serbëve të veriut, fillimisht do të orientohet ndaj Beogradit zyrtar.

 

“Kjo marrëveshje e shemb Kushtetutën zyrtare të shtetit të Serbisë dhe ajo që mund të konstatoj është se Hashim Thaçi i është përmbajtur Kushtetutës së tij. Fatkeqësisht, Kushtetutës së Serbisë nuk i janë përmbajtur as Vuçiqi, e as Daçiqi".

"Për këtë arsye, ne do të luftojmë që të respektohet Kushtetuta zyrtare e shtetit të Serbisë. Dëshiroj të them se ne do të luftojmë që t’i mbajmë institucionet tona dhe nuk do t’ia lejojmë, para së gjithash Beogradit, që në mënyrë drastike t'i shkelë dhe të heqë dorë nga këto institucione”, thotë Jakshiq.

Qysh para se të arrihet marrëveshja në Bruksel, ndërmjet kryeministrit të Kosovës, Hashim Thaçi, dhe kryeministrit të Serbisë, Ivica Daçiq, përfaqësuesit e serbëve të veriut të Kosovës patën paralajmëruar se nuk do të pranojnë asnjë marrëveshje që ka të bëjë me veriun e vendit.

Lideri tjetër i serbëve të veriut, Radenko Nedeljkoviq, në prononcimin dhënë Radios Evropa e Lirë, thotë se serbët edhe më parë e kanë shprehur vullnetin e tyre se nuk dëshirojnë integrimin në institucionet e Kosovës dhe se dëshirojnë të mbeten qytetarë të Serbisë.

 

“Ka mjaft mënyra që qytetarët ta pengojnë integrimin. Ne angazhohemi për një rezistencë në mënyrë të qetë dhe demokratike. Ndryshe, do të shohim se çfarë do të ndodhë në periudhën e ardhshme, por asgjë nuk do të ndodhë në terren, e që do të jetë në kundërshtim me vullnetin e popullit".

"Për ditën e hënë është caktuar Kuvendi popullor serb, në sheshin ‘Shumadija’, ku dëshirojmë t’ua sqarojmë qytetarëve se shteti i Serbisë ka kapitulluar gjatë bisedimeve dhe se është gjunjëzuar ndaj shantazheve, kushtëzimeve dhe kërcënimeve dhe se e ka pranuar atë që e ka kërkuar Prishtina”, shprehet Nedeljkoviq.

Ai shton se do t’i ftojnë qytetarët serbë që me padëgjueshmëri dhe rezistencë pasive të tregojnë se nuk dëshirojnë integrim në institucionet e Kosovës.

 

Rezistencën e serbëve të veriut e paralajmëron edhe Jakshiq, duke thënë se ata do t’i përdorin të gjitha mjetet paqësore politike që marrëveshja të mos zbatohet.

“Mjete politike, për shembull, janë bojkotimi i zgjedhjeve lokale eventuale, të cilat autoritetet në Prishtinë kanë ndërmend t’i shpallin. Më pastaj, në qoftë se serbëve do të fillohet t'u kërkohen dokumentet e shtetit të Kosovës, me këtë do t’u pamundësohet liria e lëvizjes. Në këtë rast, konsideroj se serbët do të shfrytëzojnë të gjitha mjetet paqësore dhe politike të lejueshme, që nënkupton edhe bllokimin e rrugëve, nëse duhet, në mënyrë që t’i realizojnë qëllimet e veta politike”,deklaron Jakshiq.

Por, Nedeljkoviq përjashton mundësinë që në çfarëdo rasti ose rrethane, rezistenca e serbëve të veriut të Kosovës ndaj zbatimit të marrëveshjes, do të mund të jetë e dhunshme.


“Ne nuk jemi për dhunë. Ne, thjesht, nuk kemi mundësi që të ballafaqohemi dhe të kundërshtohemi dhunshëm me të gjitha forcat e sigurisë. Ne jemi për mënyrat paqësore dhe gandiane dhe me këto mënyra të qeta dhe demokratike ta pengojmë integrimin”, thekson Nedeljkoviq.

Liderët e serbëve të veriut theksojnë se rezistenca e serbëve ndaj marrëveshjes do të pasojë për faktin se, sipas tyre, ajo nuk i siguron as kushtet minimale për mbijetesën e serbëve në veriun e Kosovës./Indeksonline/
 


Kendi i komenteve
  • Rasim 21.04.2013 / 18:35
    O marveshja u shkru po kur bahet kjo kur integrohen shkiet qito 20- 30 vjet ska rahati ktu as liberalizim per viza as evrop mane ne mend
  • mileti 21.04.2013 / 16:10
    A SHUM JU TUTI PREJ VV, SE HASHIM THAQI ESHT MEJUVE ORE SERB KQYRI EDHE DISA QEPOJU PERKRAHIN
  • agoni 21.04.2013 / 15:49
    po pse po lodheni i keno argat knej vv vella vrasjen jau kryn rezistencen
  • Albani 21.04.2013 / 15:42
    Skeni nevoj me Rezustu sa ta kem kryeminister Hashim (esat toptanini) thaqi se thum shpejt ky ka me u njoften edhe si shtet
  • Partia e Albin kudres 21.04.2013 / 15:37
    Bash VV jeni me te fort me Serb.
  • Afrim 21.04.2013 / 14:59
    Tani fillojn bisedimet tjera ju japin edhe me shum te drejta
  • ramisi 21.04.2013 / 14:53
    o albin po a edhe ne veri paske mbri a
  • Astriti 21.04.2013 / 14:46
    Ashtu pra,.mbrone vendin e juaj mos lejoni me ju mashtruar sic e mashtroj Hashim Thaci popullin e vet.
  • Djaloshi Mergimtar 21.04.2013 / 14:23
    Ku eshte Bajram Rexhepi qe thot kemi kapacitete per mbrojten e veriut ta shofim se qka eshte ne gjendje me ba, edhe pse nuk i besoj un personalsiht Bajram Rexhepoviqit njeri i deshtun ku ke pa ti mjek ne ministri ne mbreshme kjo ndodh vetem ne Kosove.
Emri:
Komenti:

 
Sqarim:
Ndalohen fyerjet dhe përdorimi i gjuhës ofenduese. Indeksonline mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit Indeksonline.

Ju faleminderit për mirëkuptimin!
  • Të fundit
  • Më të lexuara
  • Më të komentuara
Portali Indeksonline u themelua nga një grup gazetarësh kosovarë në vitin 2010. Përball sfidave të gazetarisë bashkëkohore, të motivuar nga nevoja për lajme të shpejta dhe origjinale, në Kosovë, ndër shqiptarë dhe për shqiptarët - Indeksonline nuk ishte veçse një kërkesë e kohës.

Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të Portalit Indeksonline, në përputhje me kushtet e përdorimit.

Të gjitha të drejtat janë të rezervuara.

© 2010-2014 Portali Indeksonline.