Ndodheni
Indeksonline / Lajme
09:33 / E hënë, 11 Shkurt 2013
15 Komente
KEK-u 8 milionë euro në “llogari” të “Limak”-ut

Miliona euro është duke shpenzuar Korporata Energjetike e Kosovës (KEK) për vendosjen e njehsorëve elektrikë digjitalë në distribucionin, të cilin e ka blerë kompania turke “Limak”.

Ritmi i ndërrimit të njehsorëve ditëve të fundit është shtuar edhe më shumë, ndonëse po afrohen ditët kur kompania turke do ta marrë në menaxhim distribucionin e KEK-ut, të cilin e bleu për 26 milionë euro. Burime të besueshme të gazetës “Zëri” bëjnë të ditur se me urdhër të menaxhmentit të KEK-ut, punëtorët janë të obliguar që sa më shumë njehsorë të ndërrojnë brenda ditës.

“Kemi urdhër nga menaxhmenti që të ndërrojmë sa më shumë njehsorë para se kompania turke ta marrë në menaxhim distribucionin. Procesi i ndërrimi të njehsorëve pati filluar me herët, por unë s’po mundem ta kuptoj pse po vazhdon ai proces edhe tash kur dihet publikisht se distribucioni i KEK-ut është shitur. Prokuroria dhe hetuesia ka shumë punë në KEK”, tha burimi i besueshëm i gazetës.

Në anën tjetër, zyrtarë të Korporatës Energjetike të Kosovës konfirmojnë se zëvendësimi i njehsorëve mekanikë me njehsorë digjitalë është duke vazhduar edhe më tej, por, sipas tyre, ky është projekt i nisur kohë më parë dhe, sipas tyre, ai nuk ka mundësi të ndalet.

Fushatë për zëvendësimin e njehsorëve

Zëdhënësi i Korporatës Energjetike të Kosovës (KEK),Viktor Buzhala, thotë se projekti i njehsorëve digjitalë është projekt i nisur para afro gjashtë vjetësh.
Sipas tij, gjatë kësaj periudhe KEK-u ka blerë njehsorë digjitalë nga firmat me renome botërore si “Iskra”, “Landis&Gyr”, “Actaris” dhe “ZPA”.

Sipas zëdhënësit Buzhala, prej fillimit të projektit e deri më tash KEK-u ka instaluar 79,484 njehsorë të thjeshtë elektronikë për instalim te konsumatorët shtëpiakë dhe të vegjël komercialë. Sipas Buzhalës, një njehsor për këtë qëllim Korporatës i ka kushtuar mesatarisht 46.10 euro.

Po ashtu, Buzhala thotë se përveç këtyre njehsorëve, KEK-u ka instaluar edhe rreth 14,000 njehsorë, grupe matëse me mundësi komunikimi nga distanca për llogaritje të energjisë në trafostacionet, si dhe te konsumatorët me konsum të lartë të energjisë elektrike. Ai tha se një njehsor i këtij lloji KEK-ut i ka kushtuar hiç më pak se 320 euro.

“KEK-u planifikon që në periudhën 2013-15 të bëjë ndërrimin e të gjithë njehsorëve të vjetër elektromekanikë me njehsorë të rinj elektronikë te të gjithë konsumatorët”, tha ai.

Edhe Fehmi Pajaziti, kryetar i Sindikatës së Punëtorëve të Elektro Kosovës, thotë se KEK-u ka nisur një fushatë të ashpër të ndërrimit të njehsorëve në gjithë territorin e Kosovës. Sipas tij, në gjithë vendin janë rreth 70 ekipe që për çdo ditë duhet të ndërrojnë së paku nga 10 njehsorë.

“Unë së bashku me një koleg për çdo ditë ndërrojmë më shumë se 70 njehsorë në gjithë Kosovën. Por, si ne janë edhe 70 ekipe tjera që pa ndërprerë ndërrojnë njehsorë”, tha ai.

Të hetohet ndërrimi i njehsorëve

Në anën tjetër, njohës të ekonomisë dhe përfaqësues të partive politike ndërrimin e njehsorëve e shohin si veprim shumë të dyshimtë të menaxhmentit të KEK-ut. Sipas tyre, këtu urgjent duhet të ketë punë hetuesia.
Lumir Abdixhiku, drejtor i Institutit “Riinvest” në Prishtinë, thotë se nëse ndërrimi i njehsorëve bëhet me paratë e taksapaguesve privatë në kohën që distribucioni, pra pronari i njehsorëve, është privatizuar, atëherë, sipas tij, kemi të bëjmë me një akt të pastër antiligjor, me të cilin duhet të merren institucionet tona.
“Për këtë do të ishte e nevojshme një hetim parlamentar. Është irracionale që me para publike të blihen asetet private”, tha ai.

Edhe Dardan Sejdiu nga Lëvizja “Vetëvendosje” thotë se investimi i parave publike në një ndërmarrje të cilën tanimë e kanë privatizuar është skandali i radhës i kësaj qeverie dhe këtyre qeveritarëve.
“Tanimë është edhe më evidente se pse procesi i privatizimit të KEDS ka qenë dhe vazhdon të jetë proces i kontestueshëm. Këta qeveritarë nuk janë të interesuar në ndërtimin e mirëqenies së qytetarit, por janë të interesuar në taksat e tyre, sepse me këto taksa këta qeveritarë po financojnë skemat e tyre klienteliste dhe nepotiste duke i fshehur këto prapa privatizimeve jotransparente që kanë shpronësuar qytetarin dhe pasuruar pushtetarët”, tha ai.

Sipas tij, pas 13 viteve privatizimi, të vetmit që përfundojnë më të pasur dhe me mirëqenie të ngritur janë pushtetarët. Sejdiu thotë se tash këta qeveritarë të pasuruar po shkojnë tutje dhe me anë të taksave përsëri po bëjnë favore për korporatat e tyre të preferuara, duke bërë investime në orë digjitale me para të qytetarëve gjë që kanë mundur ta bëjnë edhe më parë dhe kështu të reduktojnë humbjet e të ngrenë vlerën e ndërmarrjes.

“Këto ndryshime po bëhen tani, në mënyrë që privatizuesi të gjejë situatë edhe më të favorshme. Përsëri paratë e qytetarëve dhe taksat e tyre nuk përdoren për ngritjen e shërbimeve apo mirëqenies, por për financimin e skemave të tyrë që janë në shërbim kryekëput klienteliste”, tha ai./Zëri/
 


Kendi i komenteve
  • ironike 11.02.2013 / 12:31
    pak nga pak do te zbulohen, taksat misterioze te 'Qeveri-KEKU' ose perndryshe te korporates se bashkuar kriminale.KEKu e ka per detyre qe komsumatoret ti paralajmerroje ne avans, se do te merrni faktura te fryera, mos u quditni sepse, keto jane taksat e larta te thengjillit, taksa e televizionit, taksa e berrllogut, taksa e UN-it shpenzimet e nderkombetareve te luftes se kaluar, gropat e buxhetit(deficitar per shkak te demeve te tenderve ne tandem me neve qeveritareve)e qe duhet te shlyhen me gjak e ndjerse te juve popullit te mjeruar, ose nje takse tjeter misterioze.Dyshimi i dyte bie tek inkasantet.Keta zoterinje inksante, kohen e punes e kalojne neper kafe ty u nxe.Kalkulimet e shpenzimeve te energjise elektrike ata i performojne me kalkulime te vrazhda. Mua nuk me intereson kostoja, mua me intereson sa kam shpenzuar per KW ne ore.aq.Keta idiota te KEK-ut vazhdimisht te bindin qe ke e harxhuar, eshte shume e vertet qe ngrohset elektrike duken shume te pafajshme, dhe jane ne gjendje per nje kohe te shkurtur te shpenzojen nje fuqi t emadhe te eenergjise elektrike, megjithate egziston nje mates qe quhet, KW per ore.Ne shtepin time egziston nje ngrohese me termostat te rregulluar, qe do te thote megjithate pjesen me te madhe te dites ngroheni me nxehtesin qe akumulon kjo maqine.Edhe perkunder ketij fakti fakturat jane aspak korrekte.jetoj ne nje shtet ne evropen qendrore nje superfuqi, fakturat me vijne nje here ne vite, rrymen e paguaj jo me shume se 300 euro, kurse ujin qe ketu konsiderohet si nje luks ,e qe ka vlere te nje grami dijamanti, fakturat me te medhaja nuk kalojne shumen prej 320 euroe ne vite.Dhe kjo epr nje familje 4 anetarshme, po me tregoni ju lutem ne qfare forme do te munden dy penzioner, ne moshe te shtyer me semudnje kronike, me penzione kriminale, ish akademike, te perballojne kete maskarallak?kesaj puneje shume po i vjen era.
  • Arben Gjukaj ne Burg 11.02.2013 / 12:16
    Ah luje arben Gjukhelli luje, po me qen i mire ty te kishin largu moti por ti me analfabetizmin ton, korrupcionin te cilin e ki instalue ne KEK esht kriminale krejt cka je tu bo more hajn i kriminalizum. Te pret burgu more kriminel
  • engjelli 11.02.2013 / 12:02
    O ketu nuk ka faj KEK -Kaka por ka faj populli qe nuk qohet ne protest deri sa te plotesohen kushtet mos u me u ndal , por kqyrni keta qe e organizuan u shiten menjeher jo deri te merkuren jo deri te eejten mos vet edhe keta i paskan tute .
  • Alberti 11.02.2013 / 11:38
    Qeveria e Kosoves gjithe tenderat po ua jep turqve e arabve per ta rikthyer Turqine ne Ballkan poredhe kuptohet se me turqit e arabet mund te merret vesh per 20% e tenderave pranaj Amirikanet e Europianet jane te perjashtuar e ndjekur nga investimet ne Kosove Alberti
  • erti 11.02.2013 / 11:21
    Oh thaq shpiuni i ka na krejt kto po mendoni qe bin turq ne ks kaq shpesh qe na dojn s.qishtu e ki ku udheheqin shtetin tullat e drenices e te pejes
  • fidani 11.02.2013 / 11:19
    hajna te flliqt ka ky shtet po edhe vet na populli jemi te flliqt jema krye bosh se ata ne qeveri jan djem e vajza tonat krejt popull budall na ka ardh hakesh shkau se tjeter kush spo munet
  • rritja e qmimeve 11.02.2013 / 10:21
    ndrimi i njehsoreve pot tregon qe edhe u rrit qmimi i rrymes.
  • dosti 11.02.2013 / 10:15
    Nderrimi i ketyre njehesoreve eshte thjesht perfitimi material cdo mujor qe do te behet ne dem te familjeve kosovare. Perveq qe rryma po shtrenjetohet cdo 6 muaj keta njehesore elektrik me te njejtin hargjim do te rexhistrojne30% me shume, qe do te thote familjet kosovare pas instalimit te ketyre njehesoreve do te paguajne per 30% me shume. Ketu vetem nje proces hetimir penal do te mund te stoponte kete veprim dhe do te shpetonte konsumatoret.
  • Rrustem Rama 11.02.2013 / 10:10
    Ju lutem mos e fajsoni KEK-un por ata që i kan vendos aty dhe për të cilit keta të KEK-ut vjedhine. Adresa e vërtet është HAshim Thaqi me PDK-SHIK
  • JOOO nuk po besoj!! 11.02.2013 / 10:07
    nuk po mundem me besue qe KEK po i nderron ata njesor me parat e taksapaguesve edhe pasi eshte shite distribucioni edhe ate shume lire bile, nese eshte keshtu ateher prokuroria nuk di qka pret ketu ky eshte skandali me i madh per kete vit. JO JO nuk PO besoj prap.
  • Arbnori 11.02.2013 / 09:58
    KEK=KAK
  • fitimi 11.02.2013 / 09:57
    o mshoni hajna edhe pak se populli po flen vallahi tash seriozisht jam ka kqyri me shit qka kam e me ik sa nuk na kan marr edhe qeto prona qka i kemi se kta hajna nuk po dikan me u ngi e me ja lan ne dor zotit me u marr me keta maskarenje se na populli jemi ne gjum fleni fleni fleni
  • haha 11.02.2013 / 09:47
    Nga kjo po mesojme se njehsoret dy tarifor te kompanive “Iskra”, “Actaris” etc. KEK i ka shpallur teknikisht te deshtuar edhe pse sistemi i kalibrimit te tyre nderkombtarisht eshte i pranuar dhe eshte i nivelit me te larte sipas standardeve, une dyshoj se KEK ka kompetence per te perjashtuar nga tregu dhe per te anuluar prodhimin e tyre. Kety kjarte verhet pershpejtimi per realizimin e tenderit. Qytetaret duhet te iniciojne Kontest nderkombtar industrial kunder KEK-ut
  • KS 11.02.2013 / 09:40
    dhe keshtu turkit i vjen fal keku...turk mall pis milet
  • Antipolitikani 11.02.2013 / 09:37
    Tash po shihet kjarte motivi i hajnise ne faturat e Janarit 2013.
Emri:
Komenti:

 
Sqarim:
Ndalohen fyerjet dhe përdorimi i gjuhës ofenduese. Indeksonline mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit Indeksonline.

Ju faleminderit për mirëkuptimin!
  • Të fundit
  • Më të lexuara
  • Më të komentuara
Portali Indeksonline u themelua nga një grup gazetarësh kosovarë në vitin 2010. Përball sfidave të gazetarisë bashkëkohore, të motivuar nga nevoja për lajme të shpejta dhe origjinale, në Kosovë, ndër shqiptarë dhe për shqiptarët - Indeksonline nuk ishte veçse një kërkesë e kohës.

Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të Portalit Indeksonline, në përputhje me kushtet e përdorimit.

Të gjitha të drejtat janë të rezervuara.

© 2010-2014 Portali Indeksonline.