Drejtor i pezulluar i departamentit të prodhimit të dokumenteve në MPB, Besnik Berisha, ka thënë se ka dëgjuar se është fajtor nga mediat.

Berisha ka thënë se ministri Rexhepi i ka borxh moral atij. Madje, ai nuk është pajtuar me ministrin Rexhepi se MPB-ja është e pastër si loti. Por ai as veten nuk e shehë të pastër si loti.

Berisha ka thënë se është anëtar i PDK-së, por nuk njihet me kryetarin e kësaj partie, kryeministrin Thaçi.

Ai ka thënë se asnjëherë nuk jam ftuar nga policia për intervistë lidhur me këtë skandal.

“Ne ia kemi paguar borxhin austriakëve për prodhimin e pasaportave” ka thënë Berisha në “Interaktiv”.

Avullimi i 1.4 milion euro është faji i austriakëve, sipas Berishës. Ai ka thënë se nuk e di dhe nuk është interesuar se ku kanë shkuar këto para.

Madje ai është lavdëruar se ka pas rrogën më të mirë se të gjithë drejtorët tjerë.

E me Natali Velijajn, ai ka thënë se është takuar në Austri dhe ka thënë edhe njëherë se nuk është i përfshirë në skandalin e pasaportave.

Berisha i ka vlerësuar si të “mëdhenjtë” kur ka folur për zyrtarë më të lartë se ai.

Duke folur për dhënien e tenderëve në Ministrinë e Punëve të Brendshme, Berisha ka thënë se çdo gjë bëhet ashtu siç thotë ambasada e Amerikës, duke përmendur ish-ambasadorin Christopher Dell./Indeksonline/