Ndodheni
Indeksonline / Lajme
22:04 / E shtunë, 22 Dhjetor 2012
7 Komente
Shkollat turke ‘pushtojnë’ Ballkanin

Rrjeti turk i shkollave në Ballkan ka rrënjë të forta dhe vazhdon të rritet. Bosna Sema, një organizatë arsimore turke, ka hapur 14 shkolla në katër qytete të Bosnjë e Hercegovinës që nga viti 1996. Shkollat e këtij grupi ofrojnë arsim në të gjitha nivelet, nga shkolla fillore deri në Universitet.

Rrjeti i zgjeruar i shkollave i Ankarasë në Ballkan thellon lidhjet shekullore mes Turqisë dhe fqinjëve të saj të Evropës Juglindore.

Turqia i sheh shkollat, të cilat janë ndërtuar nga Agjencia Turke e Bashkëpunimit dhe Koordinimit (TIKA) edhe si OJQ dhe një instrument për të promovuar mirëkuptimin dhe miqësinë mes të rinjve. Zyrtarët ballkanikë i kanë vlerësuar ato për të njëjtën arsye, si edhe për zgjerimin e gamës së mundësive për arsimim mes vendasve, transmeton Express.

Shkolla më e madhe turke në Ballkan u hap së fundmi në fshatin Gornja Banjica, në komunën e Gostivarit në Maqedoni. Shkolla, e cila u ndërtua në mënyrë të përbashkët nga TIKA, Sindikata e Komunave Turke në Botë dhe komuna e Gostivarit, do t'u shërbejë 1400 nxënësve me prejardhje turke, shqiptare dhe maqedonase sipas TIKA.
Kryebashkiaku i Gostivarit, Rufi Osmani, tha për se shkolla do të ndihmojë në forcimin e lidhjeve pozitive mes komuniteteve etnike të Maqedonisë dhe me Turqinë.

"Ne duhet të ndërtojmë tolerancën dhe marrëdhënie të mira mes të gjitha kombësive dhe kjo shkollë përfaqëson një simbol të bashkëjetesës dhe tolerancës në Maqedoni," tha ai. "Kjo shkollë është një investim i madh. Gjatë kohës që kam qenë në krye të komunës, Gostivari u ka kushtuar vëmendje të veçantë lidhjeve me komunat e Turqisë", tha Osmani.

Rrjeti turk i shkollave në Ballkan ka rrënjë të forta dhe vazhdon të rritet. Bosna Sema, një organizatë arsimore turke, ka hapur 14 shkolla në katër qytete të Bosnjë e Hercegovinës që nga viti 1996. Shkollat e këtij grupi ofrojnë arsim në të gjitha nivelet, nga shkolla fillore deri në Universitet.

"Ne jemi shumë të kënaqur me dinamikën e arsimit dhe rezultatet e arritura dhe synojmë të mbajmë të njëjtin nivel në të ardhmen", tha Mubera Saracevic, sekretare e përgjithshme e shkollave Bosna Sema. "Kur filluam me këtë histori në vitin 1996, kishim vetëm dy klasa me nxënës. Sot kemi mbi 3500 nxënës dhe studentë në institucionet tona arsimore dhe mbi 500 punonjës. Ne synojmë të vazhdojmë të zgjerojmë shkollat tona dhe të ndërtojmë të reja", shtoi ajo.
Tina Haxhibegoviç, 23 vjeçe, studion informatikë në Kolegjin e Sarajevës, i cili drejtohet nga Bosna Sema. Ashtu si shumë zyrtarë, ajo është e kënaqur me niveli ne shërbimit që ofrohet nga shkollat turke.

"Jam shumë e kënaqur me programin arsimor dhe, disa të rinj nga vendi ku kam lindur më kanë pyetur se si mund të vijnë edhe ata të studiojnë në këtë kolegj", tha ajo.
Edhe në Rumani, shkollat turke kanë ndihmuar me forcimin e marrëdhënieve dypalëshe. Aktualisht ka 10 shkolla private fillore dhe të mesme turke në qytete të ndryshme të Rumanisë, duke përfshirë Bukureshtin, Konstancën, Timisoaran, Iasi dhe Kluj-Napoka. Ka edhe një Universitet turk, Universiteti Lumina i Evropës Juglindore, i cili është themeluar në vitin 2010.

"Bashkëpunimi në fushat e kulturës dhe arsimit është një nga aspektet më të rëndësishme të marrëdhënieve të thella dhe të shkëlqyera dypalëshe mes Turqisë dhe Rumanisë," tha ambasada turke në Bukuresht.
Shkolla e parë publike turko-rumune, Kolegji Kombëtar Megidia Kemal Ataturk, u themelua në vitin 1995. Ajo ofron arsim në gjuhën amtare për pjesëtarët e pakicës turke dhe tartare që jetojnë në rajonin Dobrugea, funksionon në bazë të një protokolli ndërqeveritar mes Turqisë dhe Rumanisë. Kolegji u ofron studentëve gjithashtu mundësinë të mësojnë gjuhën dhe kulturën turke, tha ambasada.

"Ne e konsiderojmë arsimin si mjet themelor për të çuar më tej mirëkuptimin dhe miqësinë mes brezave të rinj në të dyja vendet. Shkollat turke në Rumani luajnë një rol të rëndësishëm në lidhje me këtë", tha ambasada në deklaratën e saj.

Projekti më i rëndësishëm arsimor i Serbisë me partnerët turq është ndërtimi aktual i një shkolle fillore në Novi Pazar, e cila ka kapacitet për 1000 nxënës.
Faruk Suljevic, këshillues për punë të jashtme në komunën e Novi Pazarit, tha se projekti do të ndihmojë në zgjidhjen e boshllëqeve në shërbimet arsimore lokale.

"Në këtë pjesë të qytetit, kemi pasur nevojë të madhe për shkolla fillore, sepse disa fëmijëve u duhej të bënin shumë kilometra nga shtëpitë e tyre deri në qendër të qytetit," tha ai.

Suljevic shtoi se projekti me vlerë 1,7 milionë euro, i cili po zbatohet me mbështetjen e TIKA, është caktuar të përfundojë në mars./Indeksonline/
 


Kendi i komenteve
  • beku 23.12.2012 / 17:28
    ma mir me hap shkolla se me i mbyll si maqedont kur eshte ne pyetje shkollimi ishqiptarve .eju qa jini kunder jini nipa te shkieve e maqedonve .se miku imir gjith kena than dihet ne dite te veshtira. .
  • LLapjani 23.12.2012 / 12:38
    keta turqt po na kan lan mbrapa armiku jone shekullor
  • fati 23.12.2012 / 10:11
    E ky eshte rreziku ma i madhe per ardhemerin e kombit tone ..a pak ma kan ba gjate historis qe ta kene besimin qe femijet tane te na edukojn edhe ate mbrapsht..bravo Hashim Thaci kete e kemi nga ti personalisht,po ia ben qejfin ,,vllaut tand turk Erdoganit e ai eshte baraz me Ahmadinexhadin e Iranit i ka te vjedhne ma se 10 milion vota ne zgjedhjet e fundit ne Turqi
  • Ripushtimi i Heshtun ! 23.12.2012 / 08:45
    Turqia na dajti 500 vjet prej botes! edhe na la ne ket pozit mos te kish qene "Osmani" na ishim si zvicrant si gjerman anglez! e tash kemi mbet nje popull i cuditshem i ballkanit? kta sot privatizojne gjithcka,me filma te ndyte,me SHKOLLA te tyre spitale te tyre te shtrejta etj etj.Qellimi i tyre eshte ripushtimi i kosoves i cili po behet ne menyre te heshtun E ME E TMERSHMJA ESHTE QE NE PO BIJM NE GRACK !? e disa i quajn vlezer? i quajn ata jane si na?! nje popull ne te cilin cdoi e dyta martes eshte Incest MARTOHEN ME QIKE TE MIXHES TE DAJES e kshtu me radh DHASHT ZOTI TE NA SHPETOJ NGA KY RIPUSHTIM por besoj thelle se si ghither ky popull ka me arrit prap mu cliru ~
  • Ripushtimi i Heshtun! 23.12.2012 / 06:45
    Turqia na dajti 500 vjet prej botes! edhe na la ne ket pozit mos te kish qene "Osmani" na ishim si zvicrant si gjerman anglez! e tash kemi mbet nje popull i cuditshem i ballkanit? kta sot privatizojne gjithcka,me filma te ndyte,me SHKOLLA te tyre spitale te tyre te shtrejta etj etj.Qellimi i tyre eshte ripushtimi i kosoves i cili po behet ne menyre te heshtun E ME E TMERSHMJA ESHTE QE NE PO BIJM NE GRACK !? e disa i quajn vlezer? i quajn ata jane si na?! nje popull ne te cilin cdoi e dyta martes eshte Incest MARTOHEN ME QIKE TE MIXHES TE DAJES e kshtu me radh DHASHT ZOTI TE NA SHPETOJ NGA KY RIPUSHTIM por besoj thelle se si ghither ky popull ka me arrit prap mu cliru ~
  • Mendo 23.12.2012 / 00:00
    Me mire eshte te ndertohen si donacione dhe mos te quhen shkolla Turke po thjesht shkolla nese dojn te "ndihmojn" shtetet fqinje. Po me duket mu qe kjo eshte nje lloj "kthimi" i Turqeve ne Ballkan dal ngadal.
  • ANTI pdky 22.12.2012 / 23:48
    Une personalisht NUK DO E REGJISTROJ FEMIJEN TIM NE SHKOLL TURKE ! BOLL NA KAN BERE 1000 TE ZEZA GJATE HISTORISE !
Emri:
Komenti:

 
Sqarim:
Ndalohen fyerjet dhe përdorimi i gjuhës ofenduese. Indeksonline mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit Indeksonline.

Ju faleminderit për mirëkuptimin!
  • Të fundit
  • Më të lexuara
  • Më të komentuara
Portali Indeksonline u themelua nga një grup gazetarësh kosovarë në vitin 2010. Përball sfidave të gazetarisë bashkëkohore, të motivuar nga nevoja për lajme të shpejta dhe origjinale, në Kosovë, ndër shqiptarë dhe për shqiptarët - Indeksonline nuk ishte veçse një kërkesë e kohës.

Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të Portalit Indeksonline, në përputhje me kushtet e përdorimit.

Të gjitha të drejtat janë të rezervuara.

© 2010-2014 Portali Indeksonline.