Ndodheni
Indeksonline / Lajme
22:17 / E martë, 11 Dhjetor 2012
4 Komente
Vrasja e gruas, burri fjeti me viktimën dhe vajzat e vogla

Krimi makabër në Orikum të Vlorës sjell dëshmi tronditëse. Bashkëshorti, që masakroi gruan, ka pohuar se ka fjetur dy net me kufomën e gruas shtatzënë, që e vrau me sqepar.

“Mora çfarë gjeta përreth dhe e qëllova në dorë, më pas në kokë me sqepar. Pasi e godita në kokë, ra në shesh afër zjarrit. Ndiznim zjarr në shesh në mes të shtëpisë pasi nuk kishim sobë. Ashtu të përgjakur e mora dhe e shtriva në krevat për të mos e parë fëmijët. Nuk dija si të veproja, por ajo që bëra s’ndreqej më”, ka deklaruar në Polici Shpëtim Çeliku, i cili është detyruar të rrëfejë ngjarjen pas dëshmisë së vajzës 7 vjeçare.
“Unë isha xheloz. Nuk e di pse, por dyshoja se fëmijën që e kishte në bark nuk e kishte me mua, por me rojën e lagjes. Ajo ishte shtatzënë në muajin e gjashtë. Prisnim të vinte në jetë fëmija i tretë. Unë nuk e doja këtë shtatzëni pasi nuk kishim si të ushqenim dy fëmijë, e jo më tre. Më pas filluam grindjet edhe për arsye ekonomike. Ajo u fut në muajin e gjashtë dhe më thoshte se nuk kishte fuqi të shkonte në këmbë në Vlorë dhe të mblidhte kanoçe. Unë i thosha se duhej të shkonte, pasi nuk kishim me se të ushqenim fëmijët”.

Ai trondit me pohimin e tij kur shton se kufomën e ka mbajtur në krevat: “Kam fjetur bashkë me të. Qaja gjithë natën, nuk arrija ta besoja çfarë kisha bërë. Më dukej sikur flinte. Unë fjeta dy net me gruan që e kisha vrarë me duart e mia”, shkruan Tema.

Ndërkohë në dëshminë e 7 vjeçares së tronditur citohet: “Ne nuk e kemi parë kur babi vrau mamin. Por e kuptuam që mami kishte vdekur pasi nuk lëvizte në krevat gjatë natës kur ne po flinim në krevat bashkë me të dhe babin. Më pas, babi na tregoi se mami kishte vdekur. Filluam të qanim, por ai na foli ashpër. Ditën tjetër nuk na la të dilnim jashtë. Na kërcënoi se nëse dilnim, do të na rrihte. Gjatë gjithë ditës kemi ndenjur te trupi i nënës. Disa herë futeshim në krevat se kishim të ftohtë, por dhe ajo ishte e ftohtë. Në mbrëmje fjetëm përsëri të katër në krevat. Në mëngjes babi doli dhe na tha të mos dilnim se do të kthehej shpejt. Por disa orë më pas erdhi policia”

Vrasja e grave në Shqipëri është rritur shumë muajit e fundit./Indeksonline./
 


Kendi i komenteve
  • itin 12.12.2012 / 10:17
    Keta jane rom me sa po ma merr menja mua. Por si do qofte eshte per me te ardhun keq dhe teper tronditse. No coment
  • Plaku 12.12.2012 / 07:43
    A ka more zot naj kun, po si nuk qon dore aq ta fort sa kture njerzve tua shkul zemren pi vendi. Qfar tmerri as neper filma horror te hollywood-it nuk ndodh kështu. Zot paq meshire per ata femije dhe trupin e te ndjeres.
  • I Malepsuri 12.12.2012 / 00:21
    Tani Thojne Komunizmi ,po jo komunizem po diktatur te rrept qnjerzore duhet me pas kqyr cka nodh kur hyjena zgidhet..!
  • ani 11.12.2012 / 22:49
    njerzt ne Shqiperi jo krejt nje pjes e madhe te degjenerum totalisht
Emri:
Komenti:

 
Sqarim:
Ndalohen fyerjet dhe përdorimi i gjuhës ofenduese. Indeksonline mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit Indeksonline.

Ju faleminderit për mirëkuptimin!
  • Të fundit
  • Më të lexuara
  • Më të komentuara
Portali Indeksonline u themelua nga një grup gazetarësh kosovarë në vitin 2010. Përball sfidave të gazetarisë bashkëkohore, të motivuar nga nevoja për lajme të shpejta dhe origjinale, në Kosovë, ndër shqiptarë dhe për shqiptarët - Indeksonline nuk ishte veçse një kërkesë e kohës.

Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të Portalit Indeksonline, në përputhje me kushtet e përdorimit.

Të gjitha të drejtat janë të rezervuara.

© 2010-2014 Portali Indeksonline.