Ndodheni
Indeksonline / Lajme
17:31 / E enjte, 06 Dhjetor 2012
2 Komente
Kompanitë e njëjta fitojnë tenderët

Nga: Fatos Shala

Nuk kanë nevojë të lodhën shumë në përgatitjen e dokumenteve. Madje, as konkurrencës nuk kanë arsye t’i frikësohen. Tenderët për mirëmbajtje të rrugëve i kanë të siguruara me “tapi”.

Ky fakt është duke ndodh tani e disa vite në Komunën e Prishtinës. Autoritet e kryeqytetit çdo vit ua ndajnë tenderin për mirëmbajtjen e rrugëve të njëjtave kompani.

Punët për mirëmbajtjen e rrugëve si gjatë verës ashtu edhe dimrit i kryejnë kompanitë “Pastrimi”, “Toifor”, “VZ company”, “Dardania” dhe “Zahiri”. Tri nga këto kompani marrin tender për mirëmbajtjen e rrugëve në qytet kurse dy te tjerat për rrugët rurale.

Edhe këtë vit këto kompani do të mirëmbajnë rrugët e Prishtinës dhe vendeve rurale. Sivjet komuna ka ndarë 440 mijë euro për këto kompani që do të mirëmbajnë rrugët.

Ndërmarrjet “Zahiri”, “Toifori”dhe “Pastrimi” i kishin mirëmbajtur rrugët edhe vitin e kaluar.

Me punën e tyre nuk kishte qenë i kënaqur as nënkryetari i Prishtinës, Avdullah Hoti. Ai pati pranuar dështimin e tyre në një konferencë për media në të cilën kishte kërkuar ndihmë nga niveli qendror.

Megjithatë, tenderët kanë vazhduar t’i marrin të njëjtat kompani.

Këtë fakt u mundua ta arsyetoj në konferencë për media drejtori i shërbimeve publikë në komunën e Prishtinës Agim Gashi.

“Në këtë fushë konkurrenca është mjaft e vogël, nuk ka konkurrencë të mjaftueshme ashtu siç do të kishim dëshiruar. Por edhe një element tjetër ta themi se krejt cilësia e këtyre punëve lidhet edhe me vlerën e buxhetit, të cilin komuna e posedon. Sa më i madh të jetë buxheti, mund të ofrohen cilësi më të mira pune”, ka thënë Gashi.

Mirëpo, në Komisioni Rregullativ për Prokurimin Publik është evidentuar numër më i madh i kompanive që kanë konkurruar për të fituar tenderin për mirëmbajtjen e rrugëve.

Në tenderin “ Mirëmbajta dimërore e rrugëve rurale” të shpallur nga komuna e Prishtinës për këtë vit kanë konkurruar gjithsej 7 kompani. Por, këtë tender e kanë fituar përsëri kompanitë e njëjta “Dardania” dhe “VZ company”. Vlera e këtij tenderi është mbi 170 mijë euro.

Edhe të tenderi “Mirëmbajtja e rrugëve lokale” konkurrenca ka qenë e madhe. Por, përsëri tenderin pa u lodhur fare e kanë fituar kompanitë “Zahiri”, “Pastrimi” dhe “Toifor”. Velra e këtij tenderi është mbi rreth 300 mijë euro.
Të njëjta kompani kanë marr tenderë nga Komuna e Prishtinës edhe në mirëmbajtën e rrugëve gjatë sezonit verorë. Edhe në këta tender nuk ka lëvizur asnjë kompani edhe pse në garë ka pasur kompani të tjera. /Indeksonline/
 


Kendi i komenteve
  • Llapi 06.12.2012 / 18:55
    po qikjo kompania teifor kjo esht kryetarit te komunes se podujeves Agom Veliu e kjo edhe ktu edhe pr merr tenderet notmal qe i kan nje vend sjan as kta mat mir se pdkecat sen
  • Dini 06.12.2012 / 17:54
    Tani e shajne qeverine, e ma te zi jane komuna e komunistave te prishtines. Eee kuku per neve po milet budall ishim kon e hajt.
Emri:
Komenti:

 
Sqarim:
Ndalohen fyerjet dhe përdorimi i gjuhës ofenduese. Indeksonline mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit Indeksonline.

Ju faleminderit për mirëkuptimin!
  • Të fundit
  • Më të lexuara
  • Më të komentuara
Portali Indeksonline u themelua nga një grup gazetarësh kosovarë në vitin 2010. Përball sfidave të gazetarisë bashkëkohore, të motivuar nga nevoja për lajme të shpejta dhe origjinale, në Kosovë, ndër shqiptarë dhe për shqiptarët - Indeksonline nuk ishte veçse një kërkesë e kohës.

Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të Portalit Indeksonline, në përputhje me kushtet e përdorimit.

Të gjitha të drejtat janë të rezervuara.

© 2010-2014 Portali Indeksonline.